رسالتي الأخيرة كتبتها 100 مرة ماهو كل ما اكتبها الدموع بتوه حروفي وكل قلقي وخوفي تبان فيها الكسرة ومن كتر ما غيرت القلم اشتكي الحبر مني ودا لاني ... بخاف الحاجات ... الحلوة ف حياتي اصحي القاها مرة ما انا متعود ... علي حاجات سودة هجر وغدر وجرح وظلم ووجع بيبان حتي وسط الحلم وحتي قلبي لما اشتكي اترمي بين ضلوعي وبكا خاف يبان مكسور واختار العتمة رغم النور اللي العيون شايفاه لكن مشاعري مش حساه رسالتي الأخيرة كتبتها لكن لمين مش عارف مين هيهتم بوجع غيره ومين شايف مين عليا هيطبطب ولا مرة بالغلط علي باب حياتي يخبط ويدخل يشوف ولا بلاش اعملوا معروف خلوني ارحل من سكات وحتي وقت الممات بلاش تسالوا ... وتقولوا مين مات ما انا يا دوب صورة بين الذكريات