قصة حب

جاني ما جاني عن طرف جناني
خوخ ورمان وسفرجل طايب
جيت نودعها باباها غايب
يا عرب الحومة ماجازتش عليكم

طفلة مغرومة… تمشي وتزارب
عشقي وغرامي زينة الحواجب
يا بابا صالح وين هي الكامة
كي قلنا البارح… هيا نعاودوها

العين الكحلة روحو جيبوها
يا سيدي ساسي شرابك لحمر دوخ لي راسي
من السهرية عشقي وغرامي طفلة خمرية

يا بابا سالم عندي وليد
يجي لي عالم يقرى في اللوحة
جاني البارح يده مجروحة

جاني ما جاني عن طرف جناني
خوخ ورمان جابلي حمام طاير
يا سعد يا خويا بنات الجزاير

جاني ما جاني عن طرف جناني
خوخ ورمان جابلي ياسمينة
يا سعد يا خويا بنت قسنطينة